റെയിൽവേ ടിക്കറ്റിൽ ഇനി തെർമൽ ബാർകോഡ്

ന്യൂഡൽഹി ∙ ടിക്കറ്റുകളിൽ തെർമൽ ബാർകോഡ് ഏർപ്പെടുത്താനും തിരക്കേറിയ സ്റ്റേഷനുകളിൽ നിന്നു പുറത്തേക്കു പോകുന്ന വാതിലുകളിൽ മെട്രോ സ്റ്റേഷനുകളിലേതു പോലെ സെൻസറുകൾ ഉള്ള ടിക്കറ്റ് പരിശോധന സംവിധാനം ഏർപ്പെടുത്താനും റെയിൽവേയ്ക്കു പദ്ധതി. കള്ളവണ്ടി യാത്രക്കാരെയും വ്യാജ ടിക്കറ്റുകാരെയും പിടികൂടാനും വരുമാനം വർധിപ്പിക്കാനുമുള്ള നടപടികളുടെ ഭാഗമാണിത്. 

ആദ്യഘട്ടത്തിൽ ഉത്തര റെയിൽവേയിലെ തിരക്കേറിയ 2  സ്റ്റേഷനുകളിലായിരിക്കും പരിഷ്കാരം നടപ്പാക്കുക. ന്യൂഡൽഹി, ചണ്ഡിഗഡ്, ലക്നൗ തുടങ്ങിയ ഏതാനും സ്റ്റേഷനുകൾ പരിഗണിക്കുന്നുണ്ട്. വിജയകരമായാൽ തിരക്കേറിയ എല്ലാ സ്റ്റേഷനുകളിലേക്കും വ്യാപിപ്പിക്കും.

English Summary: Railways to install bar-coded flap gates at stations