സജ്ജൻ കുമാറിന്റെ ജാമ്യാപേക്ഷ മാറ്റി

ന്യൂഡൽഹി ∙ സിഖ് വിരുദ്ധ കലാപക്കേസിൽ ജീവപര്യന്തം ശിക്ഷയനുഭവിക്കുന്ന മുൻ കോൺഗ്രസ് നേതാവ് സജ്ജൻ കുമാറിന് ജാമ്യം നൽകാൻ സുപ്രീം കോടതി വിസമ്മതിച്ചു. അപേക്ഷ മാർച്ചിൽ പരിഗണിക്കാമെന്നു കോടതി പറഞ്ഞു.

2018 ഡിസംബർ 17ന് ഡൽഹി ഹൈക്കോടതി ജീവപര്യന്തം തടവു വിധിച്ച സജ്ജൻ കുമാർ ആരോഗ്യപരമായ കാരണങ്ങളാലാണ് ജാമ്യം തേടിയത്. ആരോഗ്യസ്ഥിതിയെക്കുറിച്ചുള്ള ഓൾ ഇന്ത്യ മെഡിക്കൽ സയൻസസിന്റെ റിപ്പോർട്ട് ഹാജരാക്കിയിരുന്നു. 

English Summary: SC refuses interim relief to Sajjan Kumar in 1984 anti-Sikh riots case