ഗുരുതരനിലയിലുള്ളവർ കൂടുതൽ ബംഗാളിൽ, കേരളത്തിൽ 2.65% മാത്രം
Mail This Article
×
ന്യൂഡൽഹി ∙ രാജ്യത്തെ കോവിഡ് രോഗികളിൽ ഗുരുതരാവസ്ഥയിലുള്ളവർ ഏറ്റവുമധികം ബംഗാളിൽ. കുറവുള്ള സംസ്ഥാനങ്ങളുടെ പട്ടികയിൽ കേരളവും. കേരളത്തിൽ 2.65% പേർ മാത്രമാണ് ഗുരുതരാവസ്ഥയിലുള്ളത്. ബംഗാളിലാകട്ടെ രോഗികളിൽ 16.14% ഗുരുതരനിലയിലാണ്. മരണനിരക്കും ഇവിടെ കൂടുതലാണ്. 10.34% തീവ്രപരിചരണ വിഭാഗത്തിൽ ചികിത്സ തേടുമ്പോൾ, 5.80% ശ്വസനസഹായി ആവശ്യമുള്ളവരാണ്. അതേസമയം, 0.006% പേർക്കു മാത്രമേ വെന്റിലേറ്ററിന്റെ സഹായം ആവശ്യമുള്ളൂ.
മധ്യപ്രദേശിലും സ്ഥിതി മോശമാണ്. ആകെ രോഗികളിൽ 14% പേർ ഗുരുതരാവസ്ഥയിലാണ്. രാജ്യത്തെ ആകെ രോഗികളിൽ ഗുരുതരാവസ്ഥയിലുള്ളവരുടെ എണ്ണത്തിൽ കാര്യമായ കുറവു വന്നിട്ടുണ്ട്. 4.16% പേരാണ് നിലവിൽ ഗുരുതരാവസ്ഥയിലുള്ളതെന്നും ആരോഗ്യമന്ത്രാലയം 27 വരെയുള്ള വിവരങ്ങൾ ചേർത്തു തയാറാക്കിയ റിപ്പോർട്ടിൽ പറയുന്നു.
English Summary: Covid critical people more in Bengal
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
