ഷോപിയാനിൽ 2 ഭീകരരെ വധിച്ചു

ന്യൂഡൽഹി∙ കശ്മീരിലെ ഷോപിയാനിലുണ്ടായ ഏറ്റുമുട്ടലിൽ 2 ഭീകരരെ സുരക്ഷാസേന വധിച്ചു. ഭീകരരുടെ ഒളിത്താവളം സംബന്ധിച്ച രഹസ്യവിവരത്തിന്റെ അടിസ്ഥാനത്തിൽ ഇന്നലെ പുലർച്ചെയായിരുന്നു സേനാനടപടി. കീഴടങ്ങാനുള്ള നിർദേശം അവഗണിച്ച് ഭീകരർ വെടിയുതിർത്തതാണു മണിക്കൂറുകൾ നീണ്ട ഏറ്റുമുട്ടലിൽ കലാശിച്ചത്. 

കഴിഞ്ഞയാഴ്ച ജമ്മു ആൻഡ് കശ്മീർ ബാങ്കിന്റെ വാനിൽ നിന്ന് 60 ലക്ഷം രൂപ തട്ടിയെടുത്തതുൾപ്പെടെ ഒട്ടേറെ കേസുകളിൽ പ്രതികളാണു കൊല്ലപ്പെട്ടവരെന്ന് അധികൃതർ അറിയിച്ചു.