തമിഴ്നാട്ടിൽ പ്രചാരണത്തിനു തുടക്കമിട്ട് അമിത് ഷാ

ചെന്നൈ∙ അടുത്ത വർഷത്തെ തമിഴ്നാട് നിയമസഭാ തിരഞ്ഞെടുപ്പിലും അണ്ണാഡിഎംകെ-ബിജെപി സഖ്യം തുടരും. ഉപമുഖ്യമന്ത്രിയും അണ്ണാഡിഎംകെ കോ-ഓർഡിനേറ്ററുമായ ഒ.പനീർസെൽവമാണ്, കേന്ദ്ര ആഭ്യന്തര മന്ത്രി അമിത് ഷായുടെ സാന്നിധ്യത്തിൽ ഇക്കാര്യം പ്രഖ്യാപിച്ചത്. ഇതിനു പിന്നാലെ, കുടുംബ രാഷ്ട്രീയത്തിന്റെ പേരിൽ ഡിഎംകെയ്ക്കെതിരെ ആഞ്ഞടിച്ചുകൊണ്ട് ഷാ തിരഞ്ഞെടുപ്പു പ്രചാരണത്തിനു തുടക്കമിട്ടു. ചെന്നൈ മെട്രോയുടെ രണ്ടാംഘട്ട ശിലാസ്ഥാപനമുൾപ്പെടെ 67,378 കോടിയുടെ പദ്ധതികൾ ഉദ്ഘാടനവും ചെയ്തു.