കോവിഡ് വാക്സീൻ ഇനി സ്വകാര്യ ആശുപത്രിയിൽ ഏതു സമയത്തും

ന്യൂഡൽഹി ∙ കോവിഡ് വാക്സീൻ ഇനി 24 മണിക്കൂറും നൽകാൻ സ്വകാര്യ ആശുപത്രികൾക്ക് കേന്ദ്ര ആരോഗ്യമന്ത്രാലയത്തിന്റെ അനുമതി. തിരക്ക് കുറയ്ക്കാനും വിതരണം വേഗത്തിലാക്കാനുമാണിത്. ആദ്യ ഘട്ടത്തിൽ രാവിലെ 9 മുതൽ വൈകിട്ട് 5 വരെ മാത്രമായിരുന്നു സമയം. ആയുഷ്മാൻ ഭാരത്, സിജിഎച്ച്എസ് പദ്ധതികളുടെ ഭാഗമായ സ്വകാര്യ ആശുപത്രികൾക്കാണ് നിലവിൽ വാക്സീൻ നൽകാൻ അനുമതിയുള്ളതെങ്കിലും ഇനി മറ്റുള്ളവയെക്കൂടി അനുവദിക്കാനും നീക്കമുണ്ട്.

English Summary: Covid vaccine through private hospitals also