കാശി മസ്ജിദ്: സുന്നി വഖഫ് ബോർഡ് ഹൈക്കോടതിയിൽ

അലഹാബാദ് ∙ വാരാണസി കോടതിയുടെ ഉത്തരവിനെതിരെ ഉത്തർപ്രദേശ് സുന്നി വഖഫ് ബോർഡ് ഹൈക്കോടതിയെ സമീപിച്ചു. കാശി വിശ്വനാഥ് ക്ഷേത്രത്തോടു ചേർന്നുള്ള ഗ്യാൻവപി മസ്ജിദ് സംബന്ധിച്ച് ആർക്കിയോളജിക്കൽ സൊസൈറ്റി ഓഫ് ഇന്ത്യ പഠനം നടത്തണമെന്നായിരുന്നു വാരാണസി കോടതിയുടെ ഉത്തരവ്.

മുഗൾ ഭരണകാലത്ത് ക്ഷേത്രം ഭാഗികമായി തകർത്താണ് ഈ മസ്ജിദ് നിർമിച്ചതെന്നു കാട്ടി കീഴ്ക്കോടതിയിലുള്ള ഹർജിയുടെ സാധുത സംബന്ധിച്ച് ഹൈക്കോടതി വിധി പറയാനിരിക്കെ, കീഴ്ക്കോടതി ഉത്തരവിട്ടത് നിയമവിരുദ്ധമാണെന്ന് ബോർഡ് ചൂണ്ടിക്കാട്ടി.

English Summary: Sunni Waqf Board in High Court against Varanasi court order