കോവിഡ് കുറയുന്നു; പ്രതിദിന കേസുകളിലും രോഗികളുടെ എണ്ണത്തിലും കുറവ്
Mail This Article
ന്യൂഡൽഹി ∙ ഇന്ത്യയിൽ രണ്ടാം കോവിഡ് വ്യാപനം കുറയുകയാണെന്ന് ആരോഗ്യമന്ത്രാലയം. ഏറ്റവും കൂടുതൽ കേസ് റിപ്പോർട്ട് ചെയ്ത മേയ് 7 ന് പ്രതിദിന കേസുകൾ 4.14 ലക്ഷമായിരുന്നെങ്കിൽ കഴിഞ്ഞ തിങ്കളാഴ്ച റിപ്പോർട്ട് ചെയ്തത് 86,498 കേസുകൾ മാത്രം. പ്രതിദിനം 100 ൽ കൂടുതൽ കേസുകൾ റിപ്പോർട്ട് ചെയ്യുന്ന ജില്ലകളുടെ എണ്ണത്തിലും കാര്യമായ കുറവുണ്ട്. മേയ് ആദ്യവാരം 531 ജില്ലകൾ ഈ പരിധിയിൽ വന്നിരുന്നെങ്കിൽ ഇപ്പോഴത് 209 ജില്ലകളായി.
കോവിഡ് പാരമ്യത്തിലെത്തിയ മേയ് ആദ്യവാരം ചികിത്സയിലുണ്ടായിരുന്ന രോഗികളുടെ എണ്ണത്തിൽ നിന്ന് 65% വരെ കുറവുണ്ട്. നിലവിൽ 13.03 ലക്ഷം പേരാണ് ചികിത്സയിലുള്ളത്. പ്രതിവാര കോവിഡ് സ്ഥിരീകരണ നിരക്കും കഴിഞ്ഞ 5 ആഴ്ചയ്ക്കിടെ 70% വരെ കുറഞ്ഞു. ഇതേസമയം, രാജ്യത്തു വാക്സീൻ എടുത്തവരുടെ എണ്ണം 23.62 കോടിയായി.
English Summary: India covid cases update