വൈറസ് ജനിതകമാറ്റം കണ്ടെത്താൻ തമിഴ്നാട്ടിൽ നൂതന ലാബ്

ചെന്നൈ ∙ കോവിഡ് വൈറസിന്റെ ജനിതക ഘടന കണ്ടെത്താനുള്ള തമിഴ്നാട് സർക്കാരിന്റെ അത്യാധുനിക ലാബ് (ജീനോം സ്വീക്വൻസിങ് ലാബ്) മുഖ്യമന്ത്രി എം.കെ. സ്റ്റാലിൻ ചെന്നൈയിൽ ഉദ്ഘാടനം ചെയ്തു. 

നിലവിൽ, കേന്ദ്രസർക്കാരാണ് ബെംഗളൂരു, ഹൈദരാബാദ് തുടങ്ങിയ സ്ഥലങ്ങളിൽ ഇത്തരം 23 ലാബുകൾ നടത്തുന്നത്. തമിഴ്നാട്ടിൽ ഡെൽറ്റ പ്ലസ് കൊറോണ വൈറസ് ബാധിച്ചവരുടെ സാംപിളുകൾ മുൻപു ബെംഗളൂരുവിലാണു പരിശോധിച്ചിരുന്നത്. എന്നാൽ, ഫലം ലഭിക്കാൻ 3 മാസത്തോളം കാത്തിരിക്കണമെന്നു മാത്രമല്ല ഓരോ സാംപിളിനും 5000 രൂപ വീതം നിരക്കും ഈടാക്കിയിരുന്നു. പുതിയ ലാബിൽ കുറഞ്ഞ ചെലവിൽ വേഗത്തിൽ ഫലം ലഭിക്കും. 

English Summary: Covid virus genetic testing