കൃഷി നിയമങ്ങൾ പിൻവലിക്കൽ: ബിൽ ഇന്നു സഭയിൽ

farm-laws-ministers
ആബ്സന്റ്, സർ പാർലമെന്റിന്റെ ശൈത്യകാല സമ്മേളനം തുടങ്ങുന്നതിനു മുന്നോടിയായി ഇന്നലെ വിളിച്ച കേന്ദ്ര സർവകക്ഷി യോഗത്തിൽ പ്രധാനമന്ത്രി നരേന്ദ്ര മോദിക്കായി ഒഴിച്ചിട്ടിരിക്കുന്ന കസേര. പാർലമെന്ററികാര്യ മന്ത്രി പ്രഹ്ലാദ് ജോഷി, പ്രതിരോധ മന്ത്രി രാജ്നാഥ് സിങ് എന്നിവർക്കൊപ്പം കോൺഗ്രസ് നേതാക്കളായ മല്ലികാർജുൻ ഖർഗെ, അധീർ രഞ്ജൻ ചൗധരി, ആനന്ദ് ശർമ, തൃണമൂൽ കോൺഗ്രസ് നേതാവ് സുദീപ് ബന്ദോപാധ്യായ തുടങ്ങിയവർ. ചിത്രം : ജെ.സുരേഷ് ∙ മനോരമ
SHARE

ന്യൂഡൽഹി ∙ വിവാദ കൃഷി നിയമങ്ങൾ പിൻവലിക്കാനുള്ള ബിൽ ഇന്നു ലോക്സഭ പാസാക്കും. ഇതുൾപ്പെടെ 25 നിർണായക ബില്ലുകൾ പാർലമെന്റിന്റെ ഇന്നു തുടങ്ങുന്ന ശൈത്യകാല സമ്മേളനത്തിൽ അവതരിപ്പിക്കും. വിവിധ വിഷയങ്ങളിൽ പ്രതിപക്ഷം ചർച്ച ആവശ്യപ്പെട്ടിരിക്കെ ഇരുസഭകളും പ്രക്ഷുബ്ധമായേക്കും.  ഒരു വർഷമായി കർഷകർ നടത്തുന്ന സമരത്തിലെ പ്രധാന ആവശ്യങ്ങൾ അംഗീകരിക്ക‌ുന്നുവെന്ന ആത്മവിശ്വാസമാണു ഭരണകക്ഷി ക്യാംപിലുള്ളത്.

കൃഷിനിയമങ്ങൾ റദ്ദാക്കൽ ബിൽ കൃഷിമന്ത്രി നരേന്ദ്ര സിങ് തോമർ ലോക്സഭയിൽ അവതരിപ്പിക്കും. നിയമം റദ്ദാക്കുന്ന ബിൽ പാസാക്കുമ്പോൾ ഹാജരായിരിക്കണമെന്ന് ആവശ്യപ്പെട്ട് ബിജെപിയും കോൺഗ്രസും ഉൾപ്പെടെ പാർട്ടികൾ എംപിമാർക്കു വിപ്പ് നൽകി. സമരത്തിൽ മരിച്ച കർഷകർക്ക് അനുശോചനം അറിയിച്ച് പ്രമേയം പാസാക്കണമെന്ന ആവശ്യം കോൺഗ്രസ് ഉയർത്തുന്നു. ഡിസംബർ 23 വരെയാണു സമ്മേളനം.

English Summary: Government lists farm law repeal on House agenda on November 29

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN INDIA
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

5 ജി: ആകാശത്തെ ആശങ്ക– എക്സ്പ്ലെയ്നർ വിഡിയോ

MORE VIDEOS
FROM ONMANORAMA