വാർത്താ വിതരണ മന്ത്രാലയത്തിന്റെ ട്വിറ്റർ ഹാക്ക് ചെയ്തു

ന്യൂഡൽഹി ∙ വാർത്താ വിതരണ മന്ത്രാലയത്തിന്റെ ഔദ്യോഗിക ട്വിറ്റർ അക്കൗണ്ട് ഹാക്ക് ചെയ്തു. 14 ലക്ഷം ഫോളോവേഴ്സുള്ള @MIB_India എന്ന അക്കൗണ്ടാണ് ഇന്നലെ രാവിലെ അൽപസമയത്തേക്കു ഹാക്ക് ചെയ്തത്. അക്കൗണ്ടിന്റെ പേര് ‘ഇലോൺ മസ്ക്’ എന്നു പരിഷ്കരിച്ച നുഴഞ്ഞുകയറ്റക്കാർ എ ഗ്രേറ്റ് ജോബ് എന്നു ട്വീറ്റ് ചെയ്തു.

ടെസ്‌ല സ്ഥാപകന്റെ പോസ്റ്റുകൾ ഷെയർ ചെയ്യുകയും കലിഫോർണിയയിലെ നികുതി നീക്കത്തെ വിമർശിച്ച ശതകോടീശ്വരൻമാരുടെ ട്വീറ്റുകൾ പങ്കുവയ്ക്കുകയും ചെയ്തു. ഏതാനും മിനിറ്റുകൾക്കുള്ളിൽ അക്കൗണ്ട് പൂർവസ്ഥിതിയിലാക്കിയതായി മന്ത്രാലയം വ്യക്തമാക്കി.

English Summary: Twitter account of I& B Ministry hacked