നിയമസഭാ തിരഞ്ഞെടുപ്പ്: റാലി, റോഡ്ഷോ വിലക്ക് 22 വരെ നീട്ടി

ന്യൂഡൽഹി ∙ നിയമസഭാ തിരഞ്ഞെടുപ്പു നടക്കുന്ന സംസ്ഥാനങ്ങളിൽ നേരിട്ടുള്ള പ്രചാരണ റാലികൾക്കും റോഡ്ഷോകൾക്കുമുള്ള വിലക്ക് 22 വരെ തിരഞ്ഞെടുപ്പു കമ്മിഷൻ നീട്ടി. കോവിഡ് വ്യാപനം തുടരുന്നതു പരിഗണിച്ച കമ്മിഷൻ, ആരോഗ്യമന്ത്രാലയവുമായി ആശയവിനിമയം നടത്തിയ ശേഷമാണ് തീരുമാനം പ്രഖ്യാപിച്ചത്.

കഴിഞ്ഞ എട്ടിനാണ് 5 നിയമസഭകളിലേക്കു കമ്മിഷൻ തിരഞ്ഞെടുപ്പു പ്രഖ്യാപിച്ചത്. 15 വരെ പ്രചാരണ റാലികളും റോഡ് ഷോയും നിരോധിക്കുകയും ചെയ്തു. ഇതാണ് വീണ്ടും നീട്ടിയത്. അതേസമയം, തുറസ്സായ സ്ഥലങ്ങൾക്കു പകരം ഹാളുകളിലും മറ്റും 300 പേരെ വരെ പരമാവധി പങ്കെടുപ്പിക്കാവുന്ന യോഗങ്ങൾക്ക് അനുമതിയുണ്ട്.

English Summary: Ban On Political Rallies Amid Pandemic Extended Till January 22