ജിഎസ്ടി വെട്ടിപ്പ്: ക്രിപ്റ്റോ എക്സ്ചേഞ്ചുകളിൽ നിന്ന് 95.86 കോടി തിരിച്ചുപിടിച്ചു
Mail This Article
×
ന്യൂഡൽഹി∙ ജിഎസ്ടി വെട്ടിപ്പ് നടത്തിയ ഇനത്തിൽ 11 ക്രിപ്റ്റോകറൻസി എക്സ്ചേഞ്ചുകളിൽ നിന്നായി 95.86 കോടി രൂപ തിരിച്ചുപിടിച്ചതായി കേന്ദ്രം പാർലമെന്റിൽ അറിയിച്ചു. 81.54 കോടി രൂപയുടെ വെട്ടിപ്പാണു കണ്ടെത്തിയത്. പിഴയും പലിശയും ചേർത്താണ് 95.86 കോടി രൂപ തിരിച്ചുപിടിച്ചത്.
ഏറ്റവും കൂടുതൽ വെട്ടിപ്പ് കണ്ടെത്തിയത് വസിർഎക്സ് എന്ന എക്സ്ചേഞ്ചിലാണ്, 40.51 കോടി രൂപ. രണ്ടാമത് കോയിൻ ഡിസിഎക്സ്, 17.1 കോടി രൂപ, മൂന്നാമത് കോയിൻസ്വിച്ച് കുബർ, 16.07 കോടി രൂപ. ക്രിപ്റ്റോകറൻസി വാങ്ങുകയും വിൽക്കുകയും ചെയ്യുന്നയിടമാണ് ക്രിപ്റ്റോ എക്സ്ചേഞ്ച്.
ഏപ്രിൽ ഒന്നിന് ക്രിപ്റ്റോനികുതി നിലവിൽ വരാനിരിക്കെ നികുതി വർധിപ്പിക്കണമെന്ന് ബിജെപി അംഗമായ സുശീൽ കുമാർ മോദി പാർലമെന്റിൽ ആവശ്യപ്പെട്ടു.
English Summary: Crypto: GST evasion
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.