പെഗസസ് സമിതിക്ക് റിപ്പോർട്ട് നൽകാൻ 4 ആഴ്ച കൂടി

ന്യൂഡൽഹി ∙ പെഗസസ് ഫോൺ ചോർത്തലുമായി ബന്ധപ്പെട്ട് അന്വേഷണം നടത്തുന്ന വിദഗ്ധ സമിതിക്ക് റിപ്പോർട്ട് സമർപ്പിക്കാൻ സുപ്രീം കോടതി നാലാഴ്ച സമയം അനുവദിച്ചു. 

പെഗസസ് ചാര സോഫ്റ്റ്‌വെയർ ഉണ്ടെന്നു കരുതപ്പെടുന്ന 29 മൊബൈൽ ഫോണുകളുടെ പരിശോധന കൂടി പൂർത്തിയാകാനുണ്ടെന്നു സമിതി ഇന്നലെ കോടതിയെ അറിയിച്ചു. ഇതു 4 ആഴ്ചയ്ക്കകം പൂർത്തിയാകുമെന്നാണ് അറിയിച്ചിരിക്കുന്നത്. നേരത്തെ സമിതി നൽകിയ ഇടക്കാല റിപ്പോർട്ടിന്റെ വിശദാംശങ്ങളിലേക്കു ചീഫ് ജസ്റ്റിസ് എൻ.വി. രമണ അധ്യക്ഷനായ ബെഞ്ച് കടന്നില്ല.

ഹർജി ജൂലൈയിൽ പരിഗണിക്കും. എഡിറ്റേഴ്സ് ഗിൽഡ് ഓഫ് ഇന്ത്യ, രാജ്യസഭാംഗം ജോൺ ബ്രിട്ടാസ്, മാധ്യമപ്രവർത്തകരായ എൻ.റാം, ശശികുമാർ തുടങ്ങി 12 പേരുടെ ഹർജികളാണ് കോടതി പരിഗണിക്കുന്നത്.

Content Highlight: Pegasus