പ്രവേശനോത്സവത്തിന് ‘മുഖ്യവിദ്യാർഥി’യും; സ്കൂളിൽ അപ്രതീക്ഷിത അതിഥിയായി സ്റ്റാലിൻ

ചെന്നൈ ∙ തമിഴ്നാട്ടിൽ പുതിയ അധ്യയന വർഷം ആരംഭിച്ച ദിവസം ക്ലാസ് മുറിയിൽ വിദ്യാർഥിയായെത്തി മുഖ്യമന്ത്രി എം.കെ.സ്റ്റാലിൻ. തിരുവള്ളൂർ ജില്ലയിലെ സർക്കാർ ആദിദ്രാവിഡർ വെൽഫെയർ ഹൈസ്‌കൂളിൽ പരിശോധനയ്ക്കെത്തിയപ്പോഴാണ് വിദ്യാർഥികൾക്കൊപ്പം ബെഞ്ചിലിരുന്ന് ക്ലാസ് കേട്ടത്.

താൻ ഇരിക്കുന്നതു കാര്യമാക്കേണ്ടെന്നും ക്ലാസ് തുടരാനും അധ്യാപികയ്ക്കു നിർദേശം നൽകിയ സ്റ്റാലിനു പിന്നിലുള്ള ബെഞ്ചിൽ വിദ്യാഭ്യാസ വകുപ്പു മന്ത്രി അൻപിൽ മഹേഷ് പൊയ്യാമൊഴിയുമുണ്ടായിരുന്നു. സ്കൂളിലെ ശുചിമുറികളും അടുക്കളയും മുഖ്യമന്ത്രി പരിശോധിച്ചു.

English Summary: Stalin sits with Tamil Nadu school students in classroom, evaluates teaching skills