ന്യൂഡൽഹി ∙ മഹാത്മാഗാന്ധിയുടെ സ്മരണയ്ക്കു മുന്നിൽ രാജ്യത്തിന്റെ ശ്രദ്ധാഞ്ജലി. ഗാന്ധിജിയുടെ രക്തസാക്ഷിത്വത്തിന്റെ 75–ാം വാർഷികത്തിൽ രാജ്ഘട്ടിൽ രാഷ്ട്രപതി ദ്രൗപദി മുർമു, ഉപരാഷ്ട്രപതി ജഗ്ദീപ് ധൻകർ, പ്രധാനമന്ത്രി നരേന്ദ്ര മോദി, ലോക്സഭാ സ്പീക്കർ ഓം ബിർല, കേന്ദ്രമന്ത്രിമാർ തുടങ്ങിയവർ പുഷ്പാർച്ചന നടത്തി. രാജ്ഘട്ടിൽ സർവമത പ്രാർഥനയും നടന്നു.
ബാപ്പുവിന്റെ പുണ്യപാദങ്ങളിൽ നമസ്കരിക്കുന്നുവെന്നു പ്രധാനമന്ത്രി ട്വീറ്റ് ചെയ്തു. ‘അദ്ദേഹം നൽകിയ ശക്തമായ ആശയങ്ങളെ വീണ്ടും ഓർമിക്കുന്നു. രാജ്യത്തിനു വേണ്ടി ജീവൻ ബലി നൽകിയ എല്ലാവർക്കും ആദരമർപ്പിക്കുന്നു. അവരുടെ ജീവത്യാഗം ഒരിക്കലും വിസ്മരിക്കാൻ പാടില്ല. രാജ്യത്തിന്റെ വളർച്ചയ്ക്കു വേണ്ടിയുള്ള ശ്രമങ്ങൾക്ക് അതു കരുത്തേകുന്നു’– നരേന്ദ്ര മോദി കുറിച്ചു.
English Summary: India pay tributes to Mahatma Gandhi on Martyrs' Day
