ഇരുമ്പുകമ്പി കൊണ്ട് പൊള്ളലേൽപിച്ചു; മധ്യപ്രദേശിൽ രണ്ട് പിഞ്ചുകുട്ടികൾ മരിച്ചു
Mail This Article
×
ഭോപാൽ ∙ മധ്യപ്രദേശിലെ ഷാഡോളിൽ ചുട്ടുപഴുത്ത ഇരുമ്പുകമ്പികൊണ്ടു പൊള്ളലേൽപിച്ചുള്ള വ്യാജചികിത്സയ്ക്കു വിധേയരായ 2 കുട്ടികൾ മരിച്ചു. നാൽപതുകാരിയായ മന്ത്രവാദിനിക്കെതിരെ അറസ്റ്റ് വാറന്റ് പുറപ്പെടുവിച്ചിട്ടുണ്ട്. ഇവർക്കായി തിരച്ചിൽ തുടരുന്നു.
ബുധനാഴ്ച സമത്പുർ ഗ്രാമത്തിലെ സൂരജ് കോലിന്റെ മകൾ 3 മാസം പ്രായമുള്ള ശുഭിയെ ശരീരത്തിൽ 20 പൊള്ളലുകളുമായി സർക്കാർ ആശുപത്രിയിൽ പ്രവേശിപ്പിച്ചിരുന്നു. ഈ കുട്ടി ഇന്നലെ മരിച്ചു. വെള്ളിയാഴ്ച കാതോട്യ ഗ്രാമത്തിലെ രണ്ടര മാസം പ്രായമുള്ള പെൺകുട്ടിയും മരിച്ചു. ഈ കുഞ്ഞിന്റെ ശരീരത്തിൽ അൻപതിലേറെ പൊള്ളലുകളുണ്ടായിരുന്നു. സംഭവത്തിന്റെ പശ്ചാത്തലത്തിൽ പ്രദേശത്തെ 2 ആശാവർക്കർമാരെയും സൂപ്പർവൈസറെയും സർവീസിൽനിന്നു പിരിച്ചുവിട്ടു.
English Summary: Two toddler killed in Madhya Pradesh
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.