അടൂർ ∙ അവധിക്ക് നാട്ടിലേക്കു യാത്ര ചെയ്യുകയായിരുന്നു. എസ് 5 കോച്ചിലായിരുന്നു സീറ്റ്. എമർജൻസി വാതിലിന്റെ അടുത്തു നിൽക്കുമ്പോഴാണ് വലിയ ശബ്ദം കേട്ടത്. വാതിൽ തകർന്ന് ഞാൻ സമീപത്തുള്ള വയലിലേക്കു തെറിച്ചു വീണു. എഴുന്നേറ്റു നോക്കുമ്പോൾ ട്രെയിൻ പാളം തെറ്റി മുന്നോട്ടു നീങ്ങുന്നതാണു കണ്ടത്. കോച്ച് മറിഞ്ഞ് വാതിൽ മുകളിലേക്കു പൊങ്ങിനിൽക്കുകയായിരുന്നു.
അകത്തു കടന്നപ്പോൾ അറുപതോളം യാത്രക്കാർ പ്രാണരക്ഷാർഥം നിലവിളിക്കുകയായിരുന്നു. രക്ഷാപ്രവർത്തനത്തിനെത്തിയവരുടെ സഹായത്തോടെ അവരെയെല്ലാം ഒരു മണിക്കൂർ കൊണ്ട് പുറത്തെത്തിച്ചു. പണവും മറ്റു രേഖകളുമടങ്ങിയ എന്റെ 3 ബാഗുകൾ നഷ്ടപ്പെട്ടു. ഭുവനേശ്വർ റെയിൽവേ സ്റ്റേഷനിൽ എത്തി, ചെന്നൈ സ്പെഷൽ ട്രെയിനിൽ നാട്ടിലേക്കു തിരിച്ചു. ഇടതുകാലിനും വലതു കൈക്കും സാരമായ പരുക്കുണ്ട്.
English Summary: Massive Train tragedy in Balasore in Odisha
