മേഘാലയ മുഖ്യമന്ത്രിയുടെ ഓഫിസിനു നേരെ കല്ലേറ്
![PTI3_6_2018_000189B PTI3_6_2018_000189B](https://img-mm.manoramaonline.com/content/dam/mm/mo/news/editorial/images/2023/1/19/Conrad-Sangma.jpg?w=1120&h=583)
Mail This Article
×
ടുറ ∙ മേഘാലയ മുഖ്യമന്ത്രി കോൺറാഡ് സാങ്മയുടെ ഓഫിസ് വളഞ്ഞ ജനക്കൂട്ടം നടത്തിയ കല്ലേറിൽ 5 സുരക്ഷാജീവനക്കാർക്കു പരുക്കേറ്റു. മുഖ്യമന്ത്രി സുരക്ഷിതനാണെങ്കിലും ജനക്കൂട്ടം വഴി അടച്ചതിനാൽ പുറത്തേക്കു പോകാനാവാത്ത അവസ്ഥയാണ്.
ഗാരോഹിൽസ് ജില്ലയിലെ ടുറ പട്ടണം സംസ്ഥാനത്തിന്റെ ശൈത്യകാല തലസ്ഥാനമാക്കണമെന്നാവശ്യപ്പെട്ടു മേഖലയിലെ വിവിധ സംഘടനകൾ നിരാഹാരസമരം നടത്തിവരികയാണ്. ഇന്നലെ വൈകിട്ട് സമരം ചെയ്യുന്ന സംഘടനകളുടെ നേതാക്കളുമായി സാങ്മ ചർച്ച നടത്തുമ്പോഴാണു പുറത്തു നൂറുകണക്കിനാളുകൾ കൂടിയത്. പിന്നാലെ കല്ലേറുണ്ടായി. പരുക്കേറ്റു വീണുകിടക്കുന്ന സുരക്ഷാ ഉദ്യോഗസ്ഥരെ പരിചരിക്കുന്ന സാങ്മയുടെ ദൃശ്യങ്ങൾ പുറത്തുവന്നു.
English Summary : Stone pelted on Meghalaya Chief Minister's office
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.