ശ്രീഹരിക്കോട്ടയുടെ ശബ്ദം വളർമതി അന്തരിച്ചു

ചെന്നൈ ∙ രാജ്യത്തിന്റെ അഭിമാന ബഹിരാകാശ ദൗത്യങ്ങളിൽ നിർണായക ശബ്ദ സാന്നിധ്യമായിരുന്ന ശ്രീഹരിക്കോട്ട സതീഷ് ധവാൻ സ്പേസ് സെന്റർ  ഉദ്യോഗസ്ഥ എം.വളർമതി (55) അന്തരിച്ചു. സംസ്കാരം നടത്തി. വിക്ഷേപണങ്ങൾക്കു മുമ്പ് കൗണ്ട് ഡൗൺ അനൗൺസ്മെന്റ് നടത്തിയിരുന്നത് തിരുച്ചിറപ്പള്ളി സ്വദേശിനിയും ശ്രീഹരിക്കോട്ടയിലെ മിഷൻ കൺട്രോൾ സെന്റർ റേഞ്ച് ഓപറേഷൻ വിഭാഗം പ്രോഗ്രാം മാനേജരുമായിരുന്ന വളർമതിയായിരുന്നു.

ചന്ദ്രയാൻ 3 ദൗത്യത്തിനു പിന്നാലെ, പിഎസ്എൽവി സി56– ഡിഎസ്– എസ്എആർ ദൗത്യത്തിലാണ് വളർമതിയുടെ ശബ്ദം അവസാനമായി രാജ്യം കേട്ടത്. ഐഎസ്ആർഒ പ്രൊപ്പൽഷൻ റിസർച് കോംപ്ലക്സിൽ നിന്ന് 2016ൽ ശ്രീഹരിക്കോട്ടയിലെത്തിയ വളർമതി പിഎസ്എൽവി സി39 മുതലുള്ള 29 ദൗത്യങ്ങളിൽ പങ്കാളിയായി.

English Summary : Valarmati passed away