ചരക്കുകപ്പൽ മുങ്ങി 13 പേരെ കാണാതായി; കാണാതായവരിൽ 4 ഇന്ത്യക്കാരും

ആതൻസ്∙ ഗ്രീസിലെ ലെസ്ബോസ് ദ്വീപിനുസമീപം ചരക്കുകപ്പൽ മുങ്ങി 4 ഇന്ത്യക്കാരടക്കം 13 പേരെ കാണാതായി. ഒരാളെ രക്ഷിച്ചു. കിഴക്കൻ ആഫ്രിക്കയിലെ കോമറോസിന്റെ ഉടസ്ഥതയിലുള്ള റാപ്റ്റർ എന്ന കപ്പലാണു മുങ്ങിയത്. ഈജിപ്തിലെ എൽ ദെഖെയ്‌ല തുറമുഖത്തുനിന്ന് ഉപ്പുകയറ്റി ഇസ്താംബുളിലേക്കു യാത്ര തിരിച്ച കപ്പലിനു സാങ്കേതികതകരാറുണ്ടായതായി തീരരക്ഷാസേനയ്ക്കു സന്ദേശം ലഭിച്ചിരുന്നു. ജീവനക്കാരിൽ 8 പേർ ഈജിപ്തുകാരും 2 പേർ സിറിയക്കാരുമാണ്. കൊടുങ്കാറ്റ് രക്ഷാപ്രവർത്തനത്തെ ബാധിച്ചിട്ടുണ്ട്.