തിരുപ്പൂരിൽ ജാതിമതിൽ പൊളിച്ചു; ചിരട്ടയിൽ ചായ നൽകിയ 2 പേർ അറസ്റ്റിൽ
Mail This Article
×
ചെന്നൈ ∙അവിനാശി ദേവീന്ദ്രൻ നഗറിൽ ദലിത് വിഭാഗത്തെയും ഇതര ജാതിക്കാരെയും വേർതിരിക്കുന്ന മതിൽ തിരുപ്പൂർ ജില്ലാ ഭരണകൂടം പൊളിച്ചുനീക്കി. ബാക്കി ഭാഗം ഇന്നും നാളെയുമായി പൊളിക്കും. മതിൽ ഇല്ലാതാകുന്നതോടെ അറുപതോളം ദലിത് കുടുംബങ്ങളുടെ സഞ്ചാരം സുഗമമാകും.
ഇതിനിടെ, ധർമപുരിയിലെ കൃഷിയിടത്തിൽ ദലിത് വിഭാഗത്തിലുള്ള സ്ത്രീകൾക്ക് ചിരട്ടയിൽ ചായ നൽകിയതിന് 2 പേർ അറസ്റ്റിലായി.
നേരത്തേയും ചിരട്ടയിൽ ചായ നൽകിയെന്നും പലതരത്തിലുള്ള വിവേചനം നേരിടുന്നതായുമുള്ള പരാതിയിൽ പട്ടികവർഗ വിഭാഗങ്ങൾക്കെതിരായ അതിക്രമം തടയുന്ന നിയമപ്രകാരമാണ് നടപടി സ്വീകരിച്ചത്.
English Summary:
Two arrested in Tamilnadu for serving tea in coconut shells to Dalits
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
