സൽമാന്റെ വസതിക്ക് നേരെ വെടിവച്ചത് പ്രശസ്തരാകാൻ; ഒരാൾ കൂടി പിടിയിൽ
![salman-khan സൽമാൻ ഖാൻ (Photo: AFP)](https://img-mm.manoramaonline.com/content/dam/mm/mo/news/just-in/images/2024/4/19/salman-khan.jpg?w=1120&h=583)
Mail This Article
×
മുംബൈ∙ ബോളിവുഡ് നടൻ സൽമാൻ ഖാന്റെ വസതിക്കു നേരെ വെടിവച്ച കേസിൽ അറസ്റ്റിലായ പ്രതികളിലൊരാളുടെ സഹോദരനും പിടിയിലായി. വിക്കി ഗുപ്തയുടെ സഹോദരൻ സോനു ഗുപ്തയെയാണ് ഗൂഢാലോചനയിൽ പങ്കാളിയാണെന്ന് കണ്ടെത്തിയതിനെ തുടർന്ന് മുംബൈ പൊലീസ് കസ്റ്റഡിയിലെടുത്തത്.
ഗുണ്ടാനേതാവായ ലോറൻസ് ബിഷ്ണോയ് സംഘവുമായി ബന്ധമുള്ളവരാണ് ഇവരെ ക്വട്ടേഷൻ ഏൽപിച്ചത്. പ്രശസ്തരാകാൻവേണ്ടിയാണ് 4 ലക്ഷം രൂപയ്ക്ക് ക്വട്ടേഷൻ എടുത്തതെന്നാണ് പ്രതികൾ പൊലീസിനു നൽകിയ മൊഴി. ഒരു ലക്ഷം രൂപ മുൻകൂറായി വാങ്ങിയ ശേഷമാണ് വെടിവച്ചത്. സൽമാനെ ഭയപ്പെടുത്തുക എന്നതും ലക്ഷ്യമായിരുന്നു. പ്രതികളുമായി ബന്ധമുള്ള 7 പേരെ വിവിധ സംസ്ഥാനങ്ങളിൽ കഴിഞ്ഞ ദിവസം ചോദ്യം ചെയ്തിരുന്നു.
English Summary:
Shot at Salman Khan's residence to become famous
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.