മുഖ്യമന്ത്രിയെ അപകീര്ത്തിപ്പെടുത്താൻ നീക്കം; കസ്റ്റംസ് ഓഫിസിലേക്ക് എല്ഡിഎഫ് മാര്ച്ച്
Mail This Article
തിരുവനന്തപുരം∙ നിയമസഭാ തിരഞ്ഞെടുപ്പ് അടുത്തവേളയില് മുഖ്യമന്ത്രി പിണറായി വിജയനെയും എല്ഡിഎഫ് സര്ക്കാരിനെയും അപകീര്ത്തിപ്പെടുത്താനുള്ള രാഷ്ട്രീയ കളിയാണ് കസ്റ്റംസ് നടത്തുന്നതെന്ന് എല്ഡിഎഫ് കണ്വീനര് എ.വിജയരാഘവന്. കസ്റ്റംസിന്റെ വഴിവിട്ട നീക്കത്തിനെതിരെ ശനിയാഴ്ച തിരുവനന്തപുരം, കൊച്ചി, കോഴിക്കോട് എന്നിവിടങ്ങളിലെ കസ്റ്റംസ് മേഖലാ ഓഫിസുകളിലേക്ക് എല്ഡിഎഫ് പ്രവര്ത്തകര് മാര്ച്ച് നടത്തും.
ജയിലില് കിടക്കുന്ന ഒരു പ്രതിയുടെ മൊഴിയെ അടിസ്ഥാനമാക്കിയാണ് കസ്റ്റംസ് ഹൈക്കോടതിയില് സത്യവാങ്മൂലം നല്കിയിരിക്കുന്നത്. ബിജെപിയുടെയും യുഡിഎഫിന്റെയും രാഷ്ട്രീയ പ്രചാരണം കസ്റ്റംസ് ഏറ്റെടുത്തിരിക്കുകയാണ്. എല്ഡിഎഫിനെ രാഷ്ട്രീയമായി പരാജയപ്പെടുത്താന് കഴിയില്ലെന്ന് ബോധ്യമായപ്പോഴാണ് മ്ലേച്ഛമായ ഈ നീക്കം കസ്റ്റംസ് നടത്തുന്നത്. ഇതിനെതിരെ സംസ്ഥാന വ്യാപകമായി പ്രതിഷേധം ഉയര്ന്നുവരണമെന്ന് എ.വിജയരാഘവന് പറഞ്ഞു.
Content Highlight: LDF march to Customs Officers