മനോരമ മെഡിക്കൽ ക്യാംപുകൾ ഇന്നു മുതൽ

കോഴിക്കോട്∙ പ്രളയബാധിത മേഖലകളിൽ ആശ്വാസമേകാൻ മലയാള മനോരമ ഒരുക്കുന്ന മെഡിക്കൽ ക്യാംപുകൾ ഇന്നു മുതൽ. കോഴിക്കോട് ജില്ലയിൽ ഒളവണ്ണ ഐശ്വര്യ ഓഡിറ്റോറിയത്തിലാണ് ആദ്യ ക്യാംപ്. മലപ്പുറം ജില്ലയിലെ ആദ്യ ക്യാംപ് മുണ്ടേരി ക്രിസ്‌തുരാജ മലങ്കര കത്തോലിക്കാ പള്ളിയിലെ ശ്രേയസ്സ് ഹാളിൽ നടക്കും. 30, 31, 1 തീയതികളിലാണ് ബാക്കിയുള്ള ക്യാംപുകൾ. കണ്ണൂർ ജില്ലയിൽ സെപ്റ്റംബർ 3, 4, 5, 6 തീയതികളിലും വയനാട് ജില്ലയിൽ സെപ്റ്റംബർ 3, 4, 5 തീയതികളിലുമാണ് മെഡിക്കൽ ക്യാംപുകൾ.