എംഫോർ മാരി സേവനം ഇനി ദക്ഷിണേന്ത്യ മുഴുവൻ

കോട്ടയം ∙ ലോകമെമ്പാടുമുള്ള മലയാളി സമൂഹം ഹൃദയത്തിലേറ്റിയ വൈവാഹിക വെബ്സൈറ്റായ എംഫോർമാരിയുടെ തമിഴ്നാട്, കർണാടക, തെലങ്കാന, ആന്ധ്രപ്രദേശ് പതിപ്പുകൾ മലയാള മനോരമ ചീഫ് എഡിറ്റർ മാമ്മൻ മാത്യു ഉദ്ഘാടനം ചെയ്തു. മനോരമ ഓൺലൈൻ ചീഫ് എക്സിക്യൂട്ടീവ് ഓഫിസർ മറിയം മാമ്മൻ മാത്യു, മനോരമ മാർക്കറ്റിങ്, അഡ്വർടൈസിങ്, സർവീസസ് ആൻഡ് സൊല്യൂഷൻസ് വൈസ് പ്രസിഡന്റ് ജോയ് മാത്യു തുടങ്ങിയവർ പങ്കെടുത്തു.

ഇതോടെ തമിഴ്, തെലുങ്ക്, കന്നഡ സമൂഹങ്ങൾക്ക് എംഫോർ മാരിയുടെ സേവനം ലഭിക്കും. സാങ്കേതിക മികവും പാരമ്പര്യവും ഒത്തിണങ്ങിയ അതിനൂതനമായ അനുഭവമാണ് എംഫോർ മാരി ഉപയോക്താക്കൾക്ക് നൽകുന്നത്. 2008 ൽ കേരളത്തിൽ പ്രവർത്തനം ആരംഭിച്ച എം ഫോർ മാരിയിൽ 10 വർഷം കൊണ്ട് 10 ലക്ഷത്തിലധികം പ്രൊഫൈലുകൾ റജിസ്റ്റർ ചെയ്തിട്ടുണ്ട്. വിവിധ സമുദായങ്ങളിലെ സ്ത്രീപുരുഷന്മാർക്ക് മനസ്സിനിണങ്ങിയ പങ്കാളിയെ കണ്ടെത്തിക്കൊടുക്കാൻ എംഫോർ മാരിക്ക് കഴിഞ്ഞു. ഈ വിശ്വാസത്തിന്റെ പിൻബലത്തിലാണ് ദക്ഷിണേന്ത്യ മുഴുവൻ എംഫോർ മാരി പ്രവർത്തനം വ്യാപിപ്പിക്കുന്നത്.

എംഫോർ മാരിയിൽ റജിസ്ട്രേഷൻ സൗജന്യമാണ്. താൽപര്യമുള്ള പ്രൊഫൈലുകളുമായി ബന്ധപ്പെടാനും കൂടുതൽ വിവരങ്ങൾ അറിയാനും ഉപയോക്താക്കൾക്കു വിവിധ അംഗത്വ പാക്കേജുകളും ലഭ്യമാണ്. വെബ്സൈറ്റിനു പുറമേ മൊബൈൽ സൈറ്റ്, മൊബൈൽ ആപ്പ് എന്നീ ഫോർമാറ്റുകളിലും എംഫോർ മാരി ലഭിക്കും. 

കൂടുതൽ വിവരങ്ങൾക്ക്: എംഫോർ മാരി കസ്റ്റമർ കെയർ– 0481 2561735, 0481 2587201

ഇ മെയിൽ: support@m4marry.com

വെബ്സൈറ്റ് വിലാസം m4marry.com