sections
MORE

6 തോക്കുകളുമായി യുവാവ് എത്തി; വിമാനത്താവളത്തിൽ പരിഭ്രാന്തി

gun-fire
പ്രതീകാത്മക ചിത്രം
SHARE

നെടുമ്പാശേരി∙ തോക്കുകളുമായി പാലക്കാട് സ്വദേശി എത്തിയത് വിമാനത്താവളത്തിൽ പരിഭ്രാന്തിയുണ്ടാക്കി. ഇന്നലെ രാവിലെ ദുബായിൽ നിന്നു വന്ന യുവാവാണ് 6 തോക്കുകൾ അഴിച്ച് കഷണങ്ങളാക്കി കൊണ്ടുവന്നത്. കണ്ടാൽ തോക്കിന്റെ ഭാഗങ്ങളാണെന്നു തോന്നാത്ത വിധത്തിൽ ഇവ ബാഗിൽ പല സ്ഥലങ്ങളിലായി ഒളിപ്പിച്ചിരുന്നു. ഉപയോഗിക്കാൻ ലൈസൻസ് വേണ്ടാത്ത എയർ ഗണ്ണിന്റെ ഭാഗങ്ങളാണെന്ന് ഇയാൾ കസ്റ്റംസി നോടു പറ‍ഞ്ഞു.  യുവാവിനു തോക്ക് ഉപയോഗിക്കാൻ ലൈസൻസ് ഇല്ല.

 പാലക്കാട്ടെ ഒരു റൈഫിൾ ക്ലബിൽ അംഗമാണെന്ന കടലാസ് മാത്രമാണ് കൈവശമുണ്ടായിരുന്നത്. ക്ലബിനു വേണ്ടി വാങ്ങിയതാണു തോക്കുകളെന്ന് ഇയാൾ പറഞ്ഞു. ഇയാളെക്കുറിച്ചു കസ്റ്റംസ് പാലക്കാട്ട് അന്വേഷണം നടത്തി. യാത്രാ രേഖകളെല്ലാം വാങ്ങിയ ശേഷം യുവാവിനെ പോകാൻ അനുവദിച്ചു. തോക്കുകൾ ബാലിസ്റ്റിക് വിദഗ്ധന്റെ പരിശോധനകൾക്കായി അയച്ചു.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN KERALA
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA