വാളയാർ: പബ്ലിക് പ്രോസിക്യൂട്ടറെ പുറത്താക്കിെയന്ന് മുഖ്യമന്ത്രി

തിരുവനന്തപുരം∙ വാളയാർ കേസ് നടത്തിപ്പിൽ വീഴ്ച വരുത്തിയ പബ്ലിക് പ്രോസിക്യൂട്ടറെ പുറത്താക്കിയെന്നു മുഖ്യമന്ത്രി പിണറായി വിജയൻ നിയമസഭയിൽ അറിയിച്ചു. ഇന്നലെ രാവിലെ ഇതുസംബന്ധിച്ച ഉത്തരവിൽ ഒപ്പുവച്ചതായും മുഖ്യമന്ത്രി വ്യക്തമാക്കി.

പൊലീസിന്റെ വീഴ്ചകൾ അന്വേഷിച്ചു വരികയാണ്. ഡിജിപിയുടെ റിപ്പോർട്ട് കിട്ടുന്ന മുറയ്ക്ക് കൂടുതൽ പൊലീസുകാർക്കെതിരെ നടപടിയുണ്ടാകും.

സിബിഐ അന്വേഷണം ആവശ്യപ്പെട്ടു കുട്ടികളുടെ മാതാപിതാക്കൾ കോടതിയെ സമീപിച്ചാൽ സർക്കാർ അതേ നിലപാടിനൊപ്പം നിൽക്കുമെന്നു മുഖ്യമന്ത്രി പറഞ്ഞു. നിലവിൽ കോടതിയുടെ പരിഗണനയിലുള്ള കേസായതിനാൽ മറ്റൊരു കേസ് റജിസ്റ്റർ ചെയ്ത് അന്വേഷണം നടത്താനാവില്ല എന്നാണു സർക്കാരിനു ലഭിച്ച നിയമോപദേശം. എന്നാൽ അപ്പീൽ പോകുന്ന ഘട്ടത്തിൽ പുനരന്വേഷണവും പുനർവിചാരണയും സർക്കാർ ആവശ്യപ്പെടും.പാർട്ടി ഒരു തരത്തിലും അന്വേഷണത്തെ സ്വാധീനിക്കാൻ ശ്രമിച്ചിട്ടില്ല.

വാളയാർ പെൺകുട്ടികളുടെ കുടുംബത്തിനു വീട് നിർമിക്കാൻ 10 ലക്ഷം രൂപ നൽകിയിരുന്നെന്നും 7.5 ലക്ഷം രൂപയ്ക്കു പണി പൂർത്തീകരിച്ചെന്നും മന്ത്രി എ.കെ.ബാലൻ പറഞ്ഞു.

English Summary: Special Public Prosecutor in Walayar case removed