sections
MORE

ഫിഡെ മുൻ വൈസ് പ്രസിഡന്റ് പി.ടി. ഉമ്മർകോയ അന്തരിച്ചു

ummar-koya
SHARE

കോഴിക്കോട് ∙ കോഴിക്കോടിനെ ലോക ചെസ് ഭൂപടത്തിൽ അടയാളപ്പെടുത്തിയ ലോക ചെസ് സംഘടന (ഫിഡെ) മുൻ രാജ്യാന്തര വൈസ് പ്രഡിഡന്റ് പി.ടി. ഉമ്മർകോയ (69) അന്തരിച്ചു. കോഴിക്കോട് പന്നിയങ്കരയിലെ വീട്ടിൽ ഇന്നലെ പുലർച്ചെയായിരുന്നു മരണം.

അസുഖബാധിതനായി ദീർഘനാളായി ചികിത്സയിലായിരുന്നു. കബറടക്കം നടത്തി. ഭാര്യ: നജ്മ. മക്കൾ നസിയ നോന, നാദിയ നോന, നൈജിൽ റഹ്മാൻ. മരുമക്കൾ: മിഷാൽ റസാഖ്, ജസീം, ഫാബിദ.

1996 മുതൽ 2006 വരെ ഫിഡെ വൈസ് പ്രസിഡന്റായിരുന്ന ഉമ്മർകോയ 1989 മുതൽ 2005 വരെ അഖിലേന്ത്യാ ചെസ് ഫെഡറേഷൻ ജനറൽ സെക്രട്ടറി പദവിയും വഹിച്ചു.

കാലിക്കറ്റ് യൂണിവേഴ്സിറ്റിയിലെ പമ്പ് ഓപ്പറേറ്റർ ജോലിയിൽനിന്ന് ലോക ചെസിന്റെ നേതൃത്വത്തിലേക്കു വളർന്ന ഉമ്മർകോയയുടെ കാലത്താണ് രാജ്യത്തിന് ഒട്ടേറെ മികച്ച താരങ്ങളെ ലഭിച്ചത്.

പ്രമുഖ രാജ്യാന്തര മത്സരങ്ങളിൽ ആർബിറ്ററായി. ഓൾ ഇന്ത്യ ചെസ് ഫെഡറേഷൻ, കോമൺവെൽത്ത് ചെസ് അസോസിയേഷൻ, ഫിഡെ യൂത്ത് കമ്മിറ്റി എന്നിവയുടെ നേതൃത്വവും വഹിച്ചിരുന്നു.

മലപ്പുറം ജില്ലാ അസോസിയേഷൻ നേതൃത്വത്തിൽനിന്ന് സംസ്ഥാന സെക്രട്ടറിയായും 1989ൽ അഖിലേന്ത്യാ ചെസ് ഫെഡറേഷൻ ജനറൽ സെക്രട്ടറിയായും വളർന്നു.

ഫെഡറേഷന്റെ ദേശീയ നേതൃത്വത്തിലിരിക്കെയുണ്ടായ തർക്കങ്ങൾ നിയമപോരാട്ടത്തിലെത്തിയതോടെ സ്ഥാനമൊഴിയേണ്ടിവന്നു.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN KERALA
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA