ദുബായിൽനിന്നെത്തിയ കർണാടക സ്വദേശിയെ തട്ടിക്കൊണ്ടു പോയ സംഭവം; ഒരാൾ പിടിയിൽ

കൊണ്ടോട്ടി∙ കരിപ്പൂരിൽ വിമാനമിറങ്ങി ഓട്ടോയിൽ റെയിൽവേ സ്റ്റേഷനിലേക്കു പോകുകയായിരുന്ന യാത്രക്കാരനെ തട്ടിക്കൊണ്ടുപോയി കവർച്ച ചെയ്ത സംഭവത്തിൽ ഒരാൾ അറസ്റ്റിൽ. പരപ്പനങ്ങാടി നെടുവ ചെറമംഗലം മുസല്യാർ വീട്ടിൽ റഷീദി(33)നെ ആണു പിടികൂടിയത്.

കവർച്ചയ്ക്ക് ഉപയോഗിച്ച വാഹനം കണ്ടെടുത്തതായും സംഘത്തിലെ മറ്റുള്ളവരെക്കുറിച്ചു വിവരം ലഭിച്ചതായും എസ്ഐ വിനോദ് വലിയാട്ടൂർ പറഞ്ഞു. ദുബായിൽനിന്നു കോഴിക്കോട് വിമാനത്താവളത്തിൽ എത്തിയ കർണാടക സ്വദേശിയായ അബ്ദുൽ നാസർ ഷംസാദ് (25) ആണു പരാതിക്കാരൻ.

English Summary: Karnataka Man Abduction Case, One Caught