റോം വിമാനത്താവളത്തിൽ കുടുങ്ങി മലയാളി സംഘം

മലപ്പുറം ∙ കോവിഡ് 19 പടർന്നുപിടിച്ച ഇറ്റലിയിൽനിന്ന് നാട്ടിലേക്കു മടങ്ങാനെത്തിയ 40 മലയാളികൾ റോം വിമാനത്താവളത്തിൽ കുടുങ്ങി. കൂട്ടത്തിൽ ഗർഭിണികളും കുട്ടികളുമുണ്ട്. രോഗബാധയില്ലെന്ന സാക്ഷ്യപത്രം, ഇറ്റലിയിലെ ആരോഗ്യവിദഗ്ധരിൽനിന്ന് ഹാജരാക്കാതെ ആരെയും കൊണ്ടുവരരുതെന്ന് ഇന്ത്യൻ സർക്കാർ കർശനനിർദേശം നൽകിയതാണ് കാരണമെന്ന് എമിറേറ്റ്സ് വിമാനക്കമ്പനിയും വിമാനത്താവള അധികൃതരും യാത്രക്കാരെ അറിയിച്ചു. 

പ്രാദേശികസമയം വൈകിട്ട് 3.10നുള്ള റോം‌– ദുബായ്– കൊച്ചി വിമാനം ഇവരെ കയറ്റാതെ പുറപ്പെടുകയും ചെയ്തു.  എന്നാൽ വിഷയത്തിൽ  കേന്ദ്രസർക്കാർ പ്രതികരിച്ചിട്ടില്ലെന്നു യാത്രക്കാർ പറഞ്ഞു.

English summary: Covid 19: Malayalis stranded in Rome