മോറിസ് കോയിൻ: പണം പോയവർ തൃശൂരിലും

പുന്നയൂർക്കുളം ∙ നിലമ്പൂർ കേന്ദ്രീകരിച്ച് അനധികൃതമായി നടത്തിയ മോറിസ് കോയിൻ ക്രിപ്റ്റോ കറൻസി ഇടപാടിലൂടെ ജില്ലയിൽ പണം നഷ്ടപ്പെട്ടവർ നൂറുകണക്കിനെന്ന് പ്രാഥമിക വിവരം. പുന്നയൂർക്കുളം, കുന്നംകുളം, ചാവക്കാട് മേഖലകളിൽ നിന്നു മാത്രം കോടികൾ നിക്ഷേപമായി ഒഴുകി. 

കമ്പനി എംഡി നിഷാദ് കളിയിടുക്കിലിനെതിരെ പൊലീസ് അന്വേഷണം തുടങ്ങിയതോടെ നിക്ഷേപകർക്കു ലാഭവിഹിതം ലഭിക്കുന്നതു നിലച്ചിട്ടുണ്ട്. ക്രിപ്റ്റോ കറൻസിയിൽ പണം നിക്ഷേപിക്കുന്നവർക്കു 300 ദിവസം കൊണ്ടു നാലിരട്ടിയിലേറെ ലാഭവിഹിതം വാഗ്ദാനം ചെയ്താണ് കമ്പനി വ്യാപകമായി നിക്ഷേപം സ്വീകരിച്ചത്.  പുതുതായി ആളുകളെ ചേർത്താൽ 4500 രൂപ കമ്മിഷനും വാഗ്ദാനം ചെയ്തു. തുടക്കത്തിൽ വിരലിലെണ്ണാവുന്ന ആൾക്കാർ മാത്രമായിരുന്നു നിക്ഷേപകർ. 

Content highlights: Morris coin fraud Kerala