മാധ്യമങ്ങളുടെ വായ് മൂടാൻ ശ്രമം: വി.മുരളീധരൻ

പാലക്കാട് ∙ അഴിമതി വിവരം പുറത്തുകൊണ്ടുവരുന്ന മാധ്യമങ്ങളുടെ വായ് മൂടിക്കെട്ടാനാണു സംസ്ഥാന സർക്കാർ പൊലീസ് നിയമ ഭേദഗതി കൊണ്ടുവന്നതെന്നു കേന്ദ്രമന്ത്രി വി.മുരളീധരൻ. അടിയന്തരാവസ്ഥയിലെ കരിനിയമങ്ങൾക്കെതിരെ പൊരുതി ജയിച്ചവരാണ് ആർഎസ്എസുകാർ ഉൾപ്പെടെയുള്ളവർ. അന്നത്തെ പ്രധാനമന്ത്രി ഇന്ദിരാഗാന്ധിയുടെ പത്തിലൊന്നു ശേഷിയില്ലാത്ത മുഖ്യമന്ത്രി പിണറായി വിജയൻ വിചാരിച്ചാലൊന്നും ഇത്തരം കരിനിയമം മൂലം ആരുടെയും വായ് മൂടിക്കെട്ടാനാകില്ല. ആ വെള്ളം വാങ്ങിവച്ചാൽ മതിയെന്നും അദ്ദേഹം പറഞ്ഞു.