മൂലമറ്റം വൈദ്യുത നിലയത്തിൽ പൊട്ടിത്തെറി

മൂലമറ്റം ∙ മൂലമറ്റം വൈദ്യുത നിലയത്തിൽ പൊട്ടിത്തെറി. നിലയത്തിന്റെ പ്രവർത്തനം പൂർണമായും നിർത്തി. സംസ്ഥാനത്തൊട്ടാകെ ഇന്നലെ വൈകിട്ട് ലോഡ് ഷെഡിങ് ഏർപ്പെടുത്തി. ഭൂഗർഭ നിലയത്തിലെ 4-ാം നമ്പർ ജനറേറ്ററിന്റെ ഐസലേറ്ററുകളാണ് ഇന്നലെ വൈകിട്ട് ഏഴോടെ പൊട്ടിത്തെറിച്ചത്. ജീവനക്കാർ ആരും സമീപത്ത് ഇല്ലാതിരുന്നതിനാൽ ആളപായമില്ല.  50 ലക്ഷം രൂപയുടെ നഷ്ടമുണ്ടെന്നാണു പ്രാഥമിക വിലയിരുത്തൽ. 

വൈദ്യുത നിലയത്തിൽ പുകപടലം നിറഞ്ഞു. അഗ്നിരക്ഷാസേനാ ഉദ്യോഗസ്ഥരും കെ എസ്ഇബി ഉദ്യോഗസ്ഥരും ചേർന്നു രക്ഷാപ്രവർത്തനം നടത്തി. നിലയത്തിൽ രാത്രിയും പരിശോധന നടക്കുകയാണ്. 

Content Highlights: Blast in Moolamattom power house