തിരഞ്ഞെടുപ്പ്: കേന്ദ്ര സേനയുടെ ആദ്യ ബാച്ച് എത്തി

തിരുവനന്തപുരം∙ നിയമസഭാ തിരഞ്ഞെടുപ്പു ഡ്യൂട്ടിക്കായി കേന്ദ്ര സേനയുടെ ആദ്യ ബാച്ച് എത്തി.ഇന്തോ ടിബറ്റൻ ബോർഡർ‍ പൊലീസിന്റെ ഒരു കമ്പനി സേനയാണ് ഇന്നലെ പുലർച്ചെ തിരുവനന്തപുരത്ത് എത്തിയത്. പശ്ചിമ ബംഗാളിൽ നിന്നുള്ള സംഘമാണിത്. ഇന്നു മുതൽ സിറ്റിയിൽ ഇവരെ ഡ്യൂട്ടിക്കു നിയോഗിക്കുമെന്നു എഡിജിപി കെ.പദ്മകുമാർ അറിയിച്ചു. കേരളത്തിലെത്തുന്ന കേന്ദ്ര സേനകളുടെ ചുമതല ഇദ്ദേഹത്തിനാണ്.

English Summary: First batch of central force reached Kerala