കണ്ണന്താനം മണിമലയിൽ; ഭാര്യ വട്ടിയൂർക്കാവിൽ

കാഞ്ഞിരപ്പള്ളി ∙ എൻഡിഎ സ്ഥാനാർഥി അൽഫോൻസ് കണ്ണന്താനത്തിന് വോട്ട് മണ്ഡലത്തിലെ മണിമലയിൽ. ഭാര്യ ഷീലയുടെ വോട്ട് തിരുവനന്തപുരം വട്ടിയൂർക്കാവിലും. കഴിഞ്ഞ നിയമസഭാ, പഞ്ചായത്ത് തിരഞ്ഞെടുപ്പുകളിൽ ഇരുവരും മണിമല സെന്റ് ജോർജ് ഹൈസ്കൂളിലാണ് വോട്ട് ചെയ്തത്.

ഇത്തവണ ഇരുവർക്കും വോട്ട് രണ്ടിടത്ത് ആയതെങ്ങനെയെന്ന് അറിയില്ലെന്നു കണ്ണന്താനം പറയുന്നു. 2000 മുതൽ 2006 വരെ തിരുവനന്തപുരത്തായിരുന്നു അൽഫോൻസ് കണ്ണന്താനവും ഷീലയും താമസിച്ചിരുന്നത്. പിന്നീടാണ് ഡൽഹിയിലേക്കു താമസം മാറ്റിയത്. എന്നാൽ വട്ടിയൂർക്കാവിൽ വോട്ടു വന്നതെങ്ങനെയെന്ന് അറിയില്ലെന്ന് കണ്ണന്താനം പറയുന്നു.