മരണവും തിരോധാനവും 28 ദിവസങ്ങൾ

മാർച്ച് 21 രാവിലെ: എറണാകുളം കാക്കനാട് കങ്ങരപ്പടിയിലെ ഫ്ലാറ്റിൽ നിന്നു സനു മോഹൻ, ഭാര്യ, മകൾ വൈഗ എന്നിവർ ആലപ്പുഴയിലേക്ക്. ഭാര്യയെ അമ്പലപ്പുഴയിലെ ബന്ധുവീട്ടിലാക്കുന്നു.

രാത്രി 7.00: മറ്റൊരു ബന്ധുവീട്ടിൽ പോയശേഷം അമ്പലപ്പുഴയിൽ തന്നെയുള്ള ഭാര്യവീട്ടിലേക്കു തിരിച്ചെത്താമെന്നു പറഞ്ഞു സനു മോഹൻ മകൾ വൈഗയുമൊത്തിറങ്ങുന്നു.

രാത്രി 9.10: കാക്കനാട് കങ്ങരപ്പടിയിലെ ഫ്ലാറ്റിലെത്തുന്നു.

രാത്രി 9.30: വൈഗയെയും കൂട്ടി ഫ്ലാറ്റിനു പുറത്തേക്കു പോകുന്നു.

രാത്രി 9.45: ഭാര്യാപിതാവിനെ സനു മോഹൻ ഫോണിൽ വിളിക്കുന്നു. കുശലാന്വേഷണം നടത്തുന്നു.

രാത്രി 12.00: സനു മോഹനും വൈഗയും തിരിച്ചെത്തിയില്ല. ഭാര്യവീട്ടുകാർ ബന്ധുവീട്ടിൽ അന്വേഷിക്കുന്നു. അവിടെയെത്തിയില്ല. കങ്ങരപ്പടിയിലെ ഫ്ലാറ്റിലും അന്വേഷണം. 2 പേരെയും കാണാനില്ല.

മാർച്ച് 22 രാവിലെ 8.30: തൃക്കാക്കര പൊലീസിൽ പരാതി നൽകുന്നു. ഉച്ചയ്ക്കു വൈഗയുടെ മൃതദേഹം കാക്കനാട് മുട്ടാർ പുഴയിൽനിന്നു കണ്ടെടുക്കുന്നു. സനു മോഹനും മുങ്ങി മരിച്ചിരിക്കാമെന്ന നിഗമനത്തിൽ തിരച്ചിൽ.

മാർച്ച് 25: സനു മോഹന്റെ കാര്യത്തിൽ പൊലീസിനു സംശയം. സനു മോഹനു പണമിടപാടുകളുണ്ടായിരുന്നതായും പുണെയിൽ കേസുകളിൽ പ്രതിയായിരുന്നതായും മൊഴികൾ.

മാർച്ച് 26: സനു മോഹന്റെ കാറിന്റെ സിസിടിവി ദൃശ്യങ്ങൾ പരിശോധിച്ചു. കാർ കോയമ്പത്തൂർ വരെ എത്തിയതായി ദൃശ്യങ്ങളിൽ. എന്നാൽ ഓടിച്ചതു സനുവാണെന്നതിനു തെളിവില്ല.

ഏപ്രിൽ 10: സനു മോഹൻ കർണാടക കൊല്ലൂരിൽ ലോഡ്ജിൽ മുറിയെടുക്കുന്നു.

16 : രാവിലെ 8.45: ലോഡ്ജിൽനിന്നു മുങ്ങുന്നു. 9.30ന് കുന്ദാപുര–ഉഡുപ്പി റൂട്ടിലുള്ള ബസിൽ കയറി വനമേഖലയിൽ ഇറങ്ങുന്നു. മറ്റൊരു ബസിൽ ഉഡുപ്പിയിലേക്ക്.

16–17: ഉഡുപ്പിയിൽനിന്നു കാർവാറിലേക്ക്.

18: രാവിലെ കാർവാറിൽ പിടിയിലാകുന്നു.