ഇറാനിൽ നിന്നുള്ള ലഹരിമരുന്ന‌് ലക്ഷദ്വീപിൽ പലതവണ ഒളിപ്പിച്ചെന്ന് മൊഴി

കൊച്ചി∙ ഇറാനിൽ നിന്നു ശ്രീലങ്കയിലേക്കു കടത്തുന്ന ലഹരിമരുന്നും ആയുധങ്ങളും ലക്ഷദ്വീപിലെ ആൾത്താമസമില്ലാത്ത ദ്വീപുകളിൽ പലതവണ ഒളിപ്പിച്ചിട്ടുണ്ടെന്നു അറസ്റ്റിലായ ശ്രീലങ്കൻ വംശജരുടെ മൊഴി.

വിഴിഞ്ഞം കടലിൽ കഴിഞ്ഞ മാർച്ച് 18നു 300 കിലോഗ്രാം ലഹരിമരുന്നും 5 എകെ47 തോക്കുകളുമായി അറസ്റ്റിലായ ശ്രീലങ്കൻ സ്വദേശികളാണു കേന്ദ്ര ഏജൻസികൾക്കു മൊഴി നൽകിയത്. ഇവരുടെ മൊഴികൾ പിന്തുടർന്നാണ് അങ്കമാലി കിടങ്ങൂരിൽ വാടകയ്ക്കു താമസിച്ചു ലഹരി കടത്തും ആയുധക്കടത്തു‌ം നിയന്ത്രിച്ചിരുന്ന ശ്രീലങ്കൻ സ്വദേശികളായ സുരേഷ്, സൗന്ദർരാജൻ എന്നിവരെ അറസ്റ്റ് ചെയ്തത്.

English Summary: Drug smuggling through Lakshadweep; Investigation