‘ജഡ്ജിമാരെ അപകീർത്തിപ്പെടുത്തരുത്’; പൊലീസുകാർക്ക് ഡിജിപിയുടെ നിർദേശം

തിരുവനന്തപുരം∙ കോടതിയെയും ജഡ്ജിമാരെയും അപകീർത്തിപ്പെടുത്തുന്ന നടപടി പൊലീസിന്റെ ഭാഗത്തുനിന്ന് ഉണ്ടാകരുതെന്നു സംസ്ഥാന പൊലീസ് മേധാവി അനിൽ കാന്തിന്റെ നിർദേശം. സമൂഹമാധ്യമങ്ങൾ ഉപയോഗിക്കുമ്പോൾ ജാഗ്രത പുലർത്തണം. നെയ്യാറ്റിൻകര കോടതിയിലെ മജിസ്ട്രേട്ട് കയർത്തു സംസാരിച്ചതു ഫോണിൽ റിക്കോർഡ് ചെയ്തു പാറശാല സ്റ്റേഷനിലെ കോൺസ്റ്റബിൾ സമൂഹമാധ്യമങ്ങളിലൂടെ പ്രചരിപ്പിച്ചതു ജുഡീഷ്യറിയുടെ പ്രതിഛായ കളങ്കപ്പെടുത്തിയെന്നു ഹൈക്കോടതി നിരീക്ഷിച്ചിട്ടുണ്ട്. ഇത്തരം സംഭവങ്ങൾ ആവർത്തിക്കരുത്.

Content Highlight: Anil Kant IPS