കൂനൂർ കോപ്റ്റർ അപകടത്തിൽ മരിച്ച പ്രദീപിന്റെ ഭാര്യയ്ക്ക് ജോലി; ഉത്തരവ് കൈമാറി

HIGHLIGHTS
  • കൂനൂർ കോപ്റ്റർ അപകടത്തിൽ മരിച്ച പ്രദീപിന്റെ കുടുംബത്തിനു സഹായവും മന്ത്രി കെ. രാജൻ കൈമാറി
pradeep-wife-job
കൂനൂരിൽ കോപ്റ്റർ അപകടത്തിൽ മരിച്ച വ്യോമസേനയിലെ ജൂനിയർ വാറന്റ് ഓഫിസർ എ. പ്രദീപിന്റെ ഭാര്യ ശ്രീലക്ഷ്മിക്ക് ജോലി നൽകുന്നതിന്റെയും ധനസഹായത്തിന്റെയും സർക്കാർ ഉത്തരവ് മന്ത്രി കെ. രാജൻ കൈമാറുന്നു. ജില്ലാ പഞ്ചായത്തംഗം ജോസഫ് ടാജറ്റ്, കലക്ടർ ഹരിത വി. കുമാർ എന്നിവർ സമീപം.
SHARE

പൊന്നൂക്കര (തൃശൂർ) ∙ കൂനൂരിലെ ഹെലികോപ്റ്റർ അപകടത്തിൽ മരിച്ച വ്യോമസേനയിലെ ജൂനിയർ വാറന്റ് ഓഫിസർ എ. പ്രദീപിന്റെ ഭാര്യ ശ്രീലക്ഷ്മിക്ക് ജോലി നൽകുന്നതിന്റെയും അച്ഛന് ചികിത്സാ ധനസഹായം നൽകുന്നതിന്റെയും സർക്കാർ ഉത്തരവ് മന്ത്രി കെ. രാജൻ കൈമാറി. ശ്രീലക്ഷ്മിയുടെ വിദ്യാഭ്യാസ യോഗ്യതയ്ക്ക് അനുസരിച്ചുള്ള ജോലി റവന്യു വകുപ്പിൽ ജില്ലയിൽ തന്നെ നൽകുമെന്നും ഇതിനായി ജില്ലാ കലക്ടർ നടപടി സ്വീകരിക്കുമെന്നും മന്ത്രി പറഞ്ഞു.

പ്രദീപിന്റെ അച്ഛന്റെ ചികിത്സാ സഹായത്തിനുള്ള തുക കലക്ടറുടെ പ്രത്യേക ഫണ്ടിലേക്ക് എത്തിയിട്ടുണ്ട്. അടുത്ത ദിവസം തന്നെ കുടുംബത്തിന്റെ അക്കൗണ്ടിലേക്ക് എത്തും. പ്രദീപിന്റെ കുടുംബത്തിനു ധനസഹായമായി 5 ലക്ഷം രൂപയും മുഖ്യമന്ത്രിയുടെ ദുരിതാശ്വാസ നിധിയിൽ നിന്നു 3 ലക്ഷം രൂപയുമാണു സർക്കാർ പ്രഖ്യാപിച്ചിരുന്നത്. ഇതിൽ 3 ലക്ഷമാണ് അടിയന്തരമായി കൈമാറുന്നത്. ജില്ലാ കലക്ടർ ഹരിത വി. കുമാർ, തൃശൂർ തഹസിൽദാർ ടി. ജയശ്രീ എന്നിവർ മന്ത്രിക്കൊപ്പമുണ്ടായിരുന്നു.

English Summary: Job For Pradeep's Wife, Government Order

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കുwww.quickerala.com

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN KERALA
SHOW MORE
Video

പേടിയില്ല, ഇതും ഒരു തൊഴിൽ | Well of Death | Lady bike rider | Manorama Online

MORE VIDEOS
FROM ONMANORAMA