മുഖ്യമന്ത്രി അനാവശ്യമായി സംഘടനയുടെ പേര് വലിച്ചിഴയ്ക്കുന്നു: എസ്ഡിപിഐ
Mail This Article
ആലപ്പുഴ∙ പോപ്പുലർ ഫ്രണ്ട് റാലിക്കിടെ ഒരു കുട്ടി പ്രകോപനപരമായ മുദ്രാവാക്യം വിളിച്ച സംഭവത്തിൽ എസ്ഡിപിഐയുടെ പേര് അനാവശ്യമായി വലിച്ചിഴച്ച മുഖ്യമന്ത്രിക്കെതിരെ നിയമനടപടി സ്വീകരിക്കുമെന്ന് എസ്ഡിപിഐ. പോപ്പുലർ ഫ്രണ്ട് സ്വതന്ത്ര സംഘടനയാണ്. എസ്ഡിപിഐ രാഷ്ട്രീയ പാർട്ടിയും. പോപ്പുലർ ഫ്രണ്ടിന്റെ പരിപാടിക്കിടെ നടന്ന സംഭവത്തിൽ മുഖ്യമന്ത്രി കുറ്റം ചാർത്തുന്നത് എസ്ഡിപിഐയുടെ മേലെയാണ്. മുഖ്യമന്ത്രിയുടേത് ബോധപൂർവമായ നടപടിയാണ്. ഒട്ടേറെ എസ്ഡിപിഐ പ്രവർത്തകരെയും നേതാക്കളെയും ഇതിന്റെ പേരിൽ കസ്റ്റഡിയിൽ എടുത്തിട്ടുണ്ട്.
പി.സി. ജോർജിനെ അറസ്റ്റ് ചെയ്തതിനു പകരമായി എസ്ഡിപിഐയെ പ്രതിക്കൂട്ടിലാക്കി സാമുദായിക ധ്രുവീകരണം സൃഷ്ടിക്കുകയാണ് ഇതിലൂടെ ലക്ഷ്യം വയ്ക്കുന്നതെന്നും ഇതിനെതിരെ നിയമ നടപടി സ്വീകരിക്കുമെന്നും എസ്ഡിപിഐ സംസ്ഥാന സംസ്ഥാന ജനറൽ സെക്രട്ടറി റോയ് അറയ്ക്കൽ, ട്രഷറർ എ.കെ.സലാഹുദ്ദീൻ, ജില്ലാ പ്രസിഡന്റ് കെ.റിയാസ് തുടങ്ങിയവർ പറഞ്ഞു.
English Summary: SDPI mulls legal action against CM Pinarayi Vijayan