വിമാനത്തിൽ പ്രതിഷേധിച്ചവർ ജാമ്യം ലഭിക്കേണ്ടവരല്ല: എം.വി.ജയരാജൻ
Mail This Article
കണ്ണൂർ ∙ മുഖ്യമന്ത്രിക്കെതിരെ വിമാനത്തിൽ പ്രതിഷേധിച്ചവർ ജാമ്യം ലഭിക്കേണ്ടവരല്ലെന്നു സിപിഎം ജില്ലാ സെക്രട്ടറി എം.വി.ജയരാജൻ. ‘മുഖ്യമന്ത്രിയെ അപായപ്പെടുത്താനാണു പ്രതികൾ ശ്രമിച്ചത്. ഇപി.ജയരാജൻ തടഞ്ഞതു കൊണ്ടാണ് അതിനു കഴിയാതെ പോയത്. തോക്ക് ഇല്ലാത്തതു കൊണ്ടു മാത്രം അപായപ്പെടുത്താൻ ലക്ഷ്യമിട്ടിരുന്നില്ലെന്നു പറയാൻ കഴിയില്ല. വിമാനത്താവളത്തിൽ സുരക്ഷാ പരിശോധനയുള്ളതിനാലാണു തോക്ക് കൊണ്ടുപോകാതിരുന്നത്. വിമാനയാത്രയിലെ നിയമപരമായ ചിട്ടകളൊന്നും 3 പേരും പാലിച്ചിട്ടില്ല. വിമാനത്തിലുണ്ടായിരുന്ന നാലാമൻ, നേതൃപരമായ പങ്ക് വഹിച്ചു കൊണ്ട്, അക്രമങ്ങൾക്കു നിർദേശങ്ങൾ നൽകിയിട്ടുണ്ട്. ഈ സാഹചര്യത്തിൽ, ജാമ്യം ലഭിക്കേണ്ടവരല്ല ഈ ക്രിമിനലുകൾ. ജാമ്യത്തിനെതിരെ സർക്കാർ നിയമനടപടി സ്വീകരിക്കുമെന്നു പ്രതീക്ഷിക്കുന്നു’ –എം.വി.ജയരാജൻ പറഞ്ഞു.
English Summary: M.V. Jayarajan about bail to Protest Inside Flight accused