സിപിഎമ്മും ബിജെപിയും തമ്മിൽ പരസ്പര ധാരണ: രാഹുൽ ഗാന്ധി

വണ്ടൂർ (മലപ്പുറം) ∙ സിപിഎമ്മും ബിജെപിയും തമ്മിൽ പരസ്പര ധാരണയുണ്ടെന്ന് രാഹുൽ ഗാന്ധി എംപി. തന്നെ 5 മണിക്കൂർ ചോദ്യം ചെയ്ത എൻഫോഴ്സ്മെന്റ് ഡയറക്ടറേറ്റ് കേരളത്തിലെ മുഖ്യമന്ത്രിയെ ഒരു ദിവസംപോലും ചോദ്യം ചെയ്തില്ല. രാജ്യത്ത് ബിജെപിയെ എതിർക്കുന്നവർക്കു മുഴുവൻ ഇഡിയെ നേരിടേണ്ടി വരുമ്പോഴും കേരള മുഖ്യമന്ത്രിയെ ഒരു കേന്ദ്ര ഏജൻസിയും ചോദ്യംചെയ്യാത്തത് ഈ ധാരണ കൊണ്ടാണെന്നും അദ്ദേഹം പറഞ്ഞു.

ബിജെപിയെ എതിർക്കുന്നതുകൊണ്ട് തന്നെ 5 ദിവസം ചോദ്യം ചെയ്തത് ബഹുമതിയായി കാണുന്നു. അത് ഇനി പലതവണയുണ്ടാകുമെന്നു പ്രതീക്ഷിക്കുന്നുവെന്നും അദ്ദേഹം പറഞ്ഞു. അടിസ്ഥാന പ്രശ്നങ്ങളിൽനിന്ന് ശ്രദ്ധതിരിക്കാനാണ് തന്റെ ഓഫിസ് ആക്രമിച്ചതെന്നും രാഹുൽ ഗാന്ധി ആരോപിച്ചു.

English Summary: Buffer zone: Rahul Gandhi slams Pinarayi Vijayan.