കൊച്ചി സുസ്ഥിര നഗര പുനർനിർമാണ പദ്ധതിക്ക് മന്ത്രിസഭയുടെ അനുമതി
Mail This Article
തിരുവനന്തപുരം ∙ ശാസ്ത്രീയമായും ഭൂമി പുനഃക്രമീകരണത്തിലൂടെയും കൊച്ചി നഗരത്തെ വികസിപ്പിക്കാൻ ലക്ഷ്യമിടുന്ന സുസ്ഥിര നഗര പുനർനിർമാണ പദ്ധതിക്കു മന്ത്രിസഭാ യോഗം തത്വത്തിൽ അനുമതി നൽകി.
മറൈൻഡ്രൈവും പരിസര പ്രദേശങ്ങളും പദ്ധതിയിൽ ഉൾപ്പെടുത്തി പുനഃക്രമീകരിക്കും. തെക്കു ഭാഗത്ത് മറൈൻ ഡ്രൈവ്, മംഗളവനം പക്ഷിസങ്കേതം, വടക്ക് വടുതല, പച്ചാളം പ്രദേശം, കായലുകൾക്കു കുറുകെയുള്ള പ്രദേശം, പടിഞ്ഞാറുഭാഗത്ത് മുളവുകാട് ദ്വീപ് എന്നിവിടങ്ങളാണു പദ്ധതി പ്രദേശം.
പദ്ധതി സമയബന്ധിതമായി നടപ്പാക്കുന്നതിന് എസ്പിവി രൂപീകരിക്കും. ഡിപിആർ സമർപ്പിക്കുന്നതു വരെയുള്ള ഏകോപനത്തിന് ജനറൽ ബോഡിയും പദ്ധതി നിർവഹണ കമ്മിറ്റിയും രൂപീകരിക്കും.
മേൽനോട്ടത്തിന് ചീഫ് എക്സിക്യൂട്ടീവ് ഓഫിസറെ നിയമിക്കും. കിഫ്ബി ജനറൽ കൺസൽറ്റൻസി വിഭാഗത്തെ പദ്ധതിയുടെ കൺസൽറ്റന്റായി നിയമിക്കാനും തീരുമാനിച്ചു.
Content Highlight: Kochi development project