ഗവർണറുടെ തീരുമാനത്തിന്‌‌ സമയപരിധി വയ്ക്കാനാവില്ല

കൊച്ചി ∙ നിയമസഭ പാസാക്കിയ ബില്ലുകളിൽ ഗവർണറുടെ തീരുമാനം അനന്തമായി നീളുന്നതു ചോദ്യം ചെയ്തു നൽകിയ ഹർജി ഹൈക്കോടതി തള്ളി. ആലുവ പൂക്കാട്ടുപടി സ്വദേശി അഡ്വ. പി.വി ജീവേഷ് നൽകിയ പൊതുതാൽപര്യ ഹർജിയാണു ചീഫ് ജസ്റ്റിസ് എസ്. മണികുമാർ, ജസ്റ്റിസ് ഷാജി പി. ചാലി എന്നിവരുൾപ്പെട്ട ഡിവിഷൻ ബെഞ്ച് തള്ളിയത്. ബില്ലുകളിൽ തീരുമാനം എടുക്കാൻ ഗവർണർക്കു സമയപരിധി നിശ്ചയിക്കാൻ കോടതിക്ക് കഴിയില്ലെന്നു ചൂണ്ടിക്കാട്ടിയാണു ഹർജി തള്ളിയത്. 

ബില്ലിൽ തീരുമാനമെടുക്കേണ്ടതു ഗവർണറുടെ ഭരണഘടനാപരമായ ബാധ്യതയാണെന്നും ബില്ലുകൾ അനന്തമായി പിടിച്ചുവയ്ക്കാൻ ഗവർണർക്കോ രാഷ്ട്രപതിക്കോ അനിയന്ത്രിതമായ വിവേചന അധികാരമില്ലെന്നും ഹർജിക്കാരൻ വാദിച്ചിരുന്നു. 

English Summary: Plea against Governor Arif Mohammad Khan rejected