കൊച്ചി ∙ മലയാള മനോരമയുടെ ഈ വർഷത്തെ ബജറ്റ് പ്രഭാഷണം ആറാം തീയതി. ഡൽഹി ജവാഹർലാൽ നെഹ്‌റു യൂണിവേഴ്‌സിറ്റി (ജെഎൻയു) സെന്റർ ഫോർ ഇക്കണോമിക് സ്റ്റഡീസ് ആൻഡ് പ്ലാനിങ്ങിലെ പ്രഫസർ ഡോ. ബിശ്വജിത് ധർ ആണു പ്രഭാഷകൻ. കലൂർ ഗോകുലം കൺവൻഷൻ സെന്ററിൽ വൈകിട്ട് ആറിനാണു പ്രഭാഷണം. 

സാമ്പത്തിക വിദഗ്ധനും ഗവേഷകനും എഴുത്തുകാരനുമായ പ്രഫ. ബിശ്വജിത് ബജറ്റ് നിർദേശങ്ങളുടെ കാണാപ്പുറങ്ങൾ അനാവരണം ചെയ്യും. കേരള സർക്കാരിന്റെ ഇന്റർ യൂണിവേഴ്സിറ്റി സെന്റർ ഫോർ ഐപിആർ സ്റ്റഡീസ് ബോർഡ് അംഗമായ ബിശ്വജിത്തിന്റെ പ്രഭാഷണത്തിൽ ബജറ്റ് കേരളത്തെ എങ്ങനെ ബാധിക്കുമെന്ന വിലയിരുത്തലും പ്രതീക്ഷിക്കാം. മനോരമയുടെ വാർഷിക ബജറ്റ് പ്രഭാഷണ പരമ്പരയിൽ ഇരുപത്തിനാലാമത്തേതാണിത്.

English Summary : Malayala Manorama budget lecture on February 6