സാന്ത്വന കേന്ദ്രം ഇനി ‘കോടിയേരി സ്മാരകം’

തലശ്ശേരി ∙ മലബാർ കാൻസർ സെന്ററിൽ ചികിത്സയ്ക്ക് എത്തുന്ന രോഗികൾക്കു താമസിക്കാൻ സിപിഎം നേതാവ് കോടിയേരി ബാലകൃഷ്ണൻ മുൻകയ്യെടുത്തു സ്ഥാപിച്ച 'ആശ്രയ ചാരിറ്റബിൾ സൊസൈറ്റി സാന്ത്വന കേന്ദ്രം’ ഇനി 'കോടിയേരി ബാലകൃഷ്ണൻ സാന്ത്വന കേന്ദ്രം' എന്ന പേരിൽ അറിയപ്പെടും. നിലവിലെ 5 നില കെട്ടിടത്തിനു മുകളിൽ പണിത പീഡിയാട്രിക് ബ്ലോക്കിന്റെ ഉദ്ഘാടനവും പുനർനാമകരണവും ഇന്ന് 5നു മുഖ്യമന്ത്രി പിണറായി വിജയൻ നിർവഹിക്കും.

2014 ജനുവരി 18നു പിണറായി വിജയനാണു കെട്ടിട നിർമാണത്തിനു തറക്കല്ലിട്ടത്. 2016 ഫെബ്രുവരി 6നു കോടിയേരി ബാലകൃഷ്ണൻ സാന്ത്വന കേന്ദ്രം ഉദ്ഘാടനം ചെയ്തു. കാൻസർ ചികിത്സയ്ക്ക് എത്തുന്ന രോഗികൾക്കും കൂട്ടിരിപ്പുകാർക്കും ഇവിടെ എല്ലാം സൗജന്യമാണ്. സ്ഥാപനം സ്ഥാപിക്കാൻ നേതൃത്വം നൽകിയ കോടിയേരിയുടെ സ്മരണ നിലനിർത്താനാണ് പുനർനാമകരണം.

English Summary: Memorial for Kodieri Balakrishnan