ക്രമക്കേട് ചൂണ്ടിക്കാട്ടി ഒന്നരക്കൊല്ലം മുൻപേ കത്ത്

കോഴിക്കോട് ∙ റോഡ് ക്യാമറ പദ്ധതിയിൽനിന്നു പിന്മാറിയ അൽ ഹിന്ദ് കമ്പനി ക്രമക്കേട് ആരോപിച്ചു 2021 നവംബറിൽ തന്നെ വ്യവസായ വകുപ്പിനു കത്ത് നൽകിയിരുന്നു. അന്നു നടപടിയെടുക്കാതിരുന്ന വ്യവസായ പ്രിൻസിപ്പൽ സെക്രട്ടറിയെ തന്നെയാണ് വിവാദമുയർന്നപ്പോൾ അന്വേഷണത്തിനു സർക്കാർ നിയോഗിച്ചത്. 

പദ്ധതിയിൽനിന്നു പിന്മാറുകയാണെന്നും എസ്ആർഐടി കമ്പനി വഴി നിക്ഷേപമായി കെൽട്രോണിനു നൽകിയ 3 കോടി രൂപ തിരികെക്കിട്ടണമെന്നും പറഞ്ഞായിരുന്നു അൽഹിന്ദിന്റെ കത്ത്. എന്നാൽ കെൽട്രോണിൽ അടച്ച പണം ഇപ്പോൾ തിരികെനൽകാനാവില്ലെന്നും പണം എസ്ആർഐടിയിൽനിന്നു വാങ്ങിക്കോളാനുമായിരുന്നു പ്രിൻസിപ്പൽ സെക്രട്ടറി എ.പി.എം.മുഹമ്മദ് ഹനീഷിന്റെ 2021 ഡിസംബറിലെ മറുപടി.

English Summary : Letter pointed out irregularity in road camera project