ന്യൂഡൽഹി ∙ 2014 സെപ്റ്റംബർ ഒന്നിനു മുൻപു വിരമിച്ചവർക്കു നൽകിയ ഉയർന്ന പിഎഫ് പെൻഷൻ തിരിച്ചുപിടിക്കാനുള്ള എംപ്ലോയീസ് പ്രോവിഡന്റ് ഫണ്ട് ഓർഗനൈസേഷന്റെ (ഇപിഎഫ്ഒ) നീക്കം ഡൽഹി ഹൈക്കോടതി താൽക്കാലികമായി തടഞ്ഞു. പി.എസ്.റാവത്ത് ഉൾപ്പെടെ 4 പേർ നൽകിയ ഹർജിയിലാണു നടപടി.
വർഷങ്ങളായി ഉയർന്ന പെൻഷൻ ലഭിക്കുന്ന 4 പേരുടെയും കാര്യത്തിൽ തൽക്കാലം തുടർനടപടി പാടില്ലെന്നു ജസ്റ്റിസ് രേഖ പള്ളി ഉത്തരവിൽ വ്യക്തമാക്കി. ഇപിഎഫ്ഒ ആറാഴ്ചയ്ക്കുള്ളിൽ മറുപടി സത്യവാങ്മൂലം നൽകണം. അതിനുശേഷം മറുപടിക്ക് ഹർജിക്കാർക്കു നാലാഴ്ച അനുവദിക്കും.
English Summary: Delhi High court stops collecting higher pf
