ബക്രീദ് അവധി: തീരുമാനം ഇന്ന്

തിരുവനന്തപുരം ∙ കേരളത്തിൽ വലിയ പെരുന്നാൾ (ബക്രീദ്) 29ന് ആഘോഷിക്കാൻ തീരുമാനിച്ചതു കണക്കിലെടുത്ത് നാളത്തെ അവധിക്കു പുറമേ മറ്റന്നാൾ കൂടി സംസ്ഥാന സർക്കാർ അവധി പ്രഖ്യാപിച്ചേക്കും. 28ലെ അവധി 29ലേക്കു മാറ്റാനാണ് പൊതുഭരണ വകുപ്പിൽനിന്നു മുഖ്യമന്ത്രിക്കു ശുപാർശ പോയത്.

വിവിധ മുസ്‌ലിം സംഘടനകൾ മുഖ്യമന്ത്രിയോട് ആവശ്യപ്പെട്ടതു കണക്കിലെടുത്ത് 28നും 29നും അവധി നൽകിയേക്കും. 29ലെ അവധി ഇസ്‌ലാം മതത്തിൽപെട്ടവർക്കു മാത്രമായി നിയന്ത്രിതാവധിയായി പ്രഖ്യാപിക്കാനും ആലോചന നടക്കുന്നുണ്ട്. തീരുമാനം ഇന്നുണ്ടാകും.

English Summary: Decision regarding Bakrid leave today